५० हजार अनुदान ३१ मार्च पर्यंत खात्यात जमा होणार...

 राज्यातील ज्या शेतकऱ्यांना अजून ५० हजार अनुदानाचा लाभ मिळाला नाही त्या शेतकऱ्यांना ५० हजार अनुदान ३१ मार्च पर्यंत वाटप करण्यात येणार आहे.

५० हजार अनुदान वाटप करण्यासाठी विभागीय आयुक्ताकडून बँकांना सूचना देण्यात आल्या आहे अशी माहिती सहकार मंत्री अतुल सावे यांनी दिली आहे.

त्यामुळे ज्या शेतकऱ्यांना अजून देखील ५० हजार अनुदान योजनेचा लाभ मिळालेला नाही त्यांना ३१ मार्च आधी लाभ दिला जाणार आहे.

त्या संदर्भात माहिती महाराष्ट्र शासनाच्या महासंवाद या अधिकृत संकेतस्थळावर प्रकाशित करण्यात आली आहे

आता शेतकऱ्यांना लवकरच प्रोत्साहन अनुदान वाटप होणार आहे.

५० हजार अनुदान ३१ मार्च पर्यंत शेतकऱ्यांना मिळणार

       महात्मा जोतिराव फुले शेतकरी कर्जमुक्त योजनेअंतर्गत अल्पमुदतीच्या पीक कर्जाची नियमितपणे परतफेड करणाऱ्या शेतकऱ्यांना 50 हजार रुपये प्रोत्साहनपर लाभ देण्यात येत आहे. 

येत्या 31 मार्चपर्यंत शेतकऱ्यांना प्रोत्साहनपर लाभ द्यावा,

अशा सूचना विभागीय आयुक्तांकडून सर्व बँकांना देण्यात आल्याचे सहकारमंत्री अतुल सावे यांनी विधानसभेत सांगितले.

विधानसभा सदस्य दिलीप मोहिते पाटील, बाळासाहेब पाटील, प्रकाश आबिटकर, डॉ.देवराव होळी, वैभव नाईक यांनी महाराष्ट्र विधानसभा नियम 105 अन्वये  

महात्मा जोतिराव फुले शेतकरी कर्जमुक्त योजना आणि प्रोत्साहन अनुदान देण्याबाबतची सद्यस्थिती याबाबतची लक्षवेधी सूचना मांडली होती.

महात्मा जोतिराव फुले शेतकरी कर्जमुक्त योजनेअंतर्गत अल्पमुदतीच्या पीक कर्जाची नियमितपणे परतफेड करणाऱ्या 12 लाख 84 हजार शेतकऱ्यांना आतापर्यंत 4683.2 कोटी रुपये

15 फेब्रुवारी 2023 पर्यंत ऑनलाईन पद्धतीने थेट वितरित करण्यात आले आहेत. 

तर उर्वरित पात्र शेतकऱ्यांच्या खात्यावर प्रोत्साहनपर लाभ देण्याची कार्यवाही सुरु असून 2 लाख 82 हजार शेतकऱ्यांना या योजनेचा लाभ देण्यासाठी 1,014 कोटी रुपयांची पुरवणी मागणी करण्यात आली आहे.

तसेच ही कार्यवाही 31 मार्चपर्यंत पूर्ण करण्याच्या सूचना विभागीय आयुक्त स्तरावरुन सर्व बँकांना देण्यात आल्या आहेत.